Tratsch: Countdown zur Bescherung

TOAO, 24. Dezember 2013, um 12:15
zuletzt bearbeitet am 24. Dezember 2013, um 12:16

I hob dacht, evtl is ganz nett zum schreim was sich bis zur Bescherung so abspuit - egal ob ma weihnachten mog, oder hoit a net...I start amoi mit a weihnachtsgschicht:

Der Adpfend ist de schönste Zeit im Winta.

De meisten Leit habm im Winta a Grippe. De is mit Fieber.

Mir hom a oane, de is mit Beleuchtung und schreibst mit ´K´.

Drei Wocha bevor´s Christkindl kimmt, stellt da Pappa de Kripp´m im Wohnzimma auf und mei kloane Schwesta und i derfa mithelfa.

Kripp´m san langweilig.

Owa de unser ned, wei mia habm mordstolle Figurn drin. I hob amoi an Josef und s´Christkindl auf´n Ofa g´stellt, dass ses sche warm habm – und des war eahna z´hoass. S´Christkindl is schwarz worn und an Josef hats in lauta Trümma zrissn. Oa Fuaß vo eahm is bis in Platzldoag g´flogn und des war koa schöna Anblick.
Mei Mamma hat mi g´schimpft und g´sogt, das ned amoi de Heiligen vor meiner Bledheit sicha sand. Wenn d´Maria ohne Mo und ohne Kind herumsteht, schaugst ned guat aus.

Owa i hob Gott seidank vej Figurn in meina Spuikistn – und da Josef is jetzt da Donald Duck. Ois Chistkindl woit i an Asterix nehma, wai der so kloa is, daß er in den Fuadertrog paßt.

Owa da hot d´Mama g´sogt, ma ko doch ois Chistkindl koan Asterix hernehma, do is ja no as verbrennte Christkindl bessa. Es is zwar schwarz, owa immerhin no a Christkindl.

Hintan Christkindl stehnan zwoa Oxn, a Esl, a Nilpferd und a Brontosaurier. Des Nilpferd und den Saurier hob i hig´stellt, wei da Ox und da Esl warn ma z´langweili.

Links neba den Stoi kemman grod de heilign drei König daher. Oa König is an Papa im letzten Adpfend beim Putzn owe g´foin und er war total hi. Jetzt hama nur mehr zwoa heilige Könige und an heiligen Batman als Ersatz.

Normal homand de heiligen Könige an haufa Zeig für´s Christkindl dabei, nämlich Gold, Weihrauch und Pürree – oda so ähnlich … Vo de unsan hod oana anstatt Goid a Kaugummipapierl dabei, des glänzt so schö. Da anda hot a Marlboro in da Hand, wei ma koan Weihrauch ham. Owa de Marlboro raucht a schö, wenn mas ozündt. Da heilige Batman hat a Pistoin dabei. Des is zwar koa G´schenk füa a Christkindl, owa damit konn er´s vom Saurier beschütz´n.

Hinta dene drei Heilige san a por rotheitige Indiana und a kaasiga Engl. Den Engl is a Fuaß obbrocha, drum haman auf a Motorradl g´setzt, daß er si leichta tuat. Mit´n Motorradl kann er fahrn, wenn er grod net fliagt.

Rechts neban Stoi habma a Rotkäppchen hig´stellt. Si hod a Pizza und drei Weißbier füa d´Oma dabei. An Woif hama ned, drum lurt unta am Baam a Bummerl ois Ersatzwoif viara.

Mehr steht in unsara Kripp´m ned drin, owa des reicht a. Auf d´Nacht schoit mas Liacht ei und dann is unsa Kripp´m erscht so richte schö. Mia sitz ma olle do und sing ma Liarda vom Adpfend. Manche gfoinma, owa de meistn san ma z´luasat.

Mei Opa hot ma amoi a Gedicht vom Adpfend glernt, du des geht so:

Adpfend, Adpfend, da Bärwurz brennt,

erscht dringst oan, dann zwoa, drei, vier,

dann hauts´te mit dem Hirn an d´Tür.

Obwohl des Gedicht recht sche is, hot d´Muata gsogt, das i mir´s ned merka deaf.

Bis ma schaut, is da Adpfend voabei und d´Weihnacht a und mit dem Johr geht´s dahi. D´Gschenk san auspackt und man griagt vor Ostern nixmehr, höx´tns an Geburtstag

Owa oans is gwiß – da Adpfend kimmt olawei wieda !!!
P.S.: Übersetzungswünsche kenna erfüllt wern... ;-)

Deibenker, 24. Dezember 2013, um 13:29

HAHA Da sin ned a ma die Heiligen vor Dir sicher. - Des war mein Lieblingsbrüller.

TOAO, 24. Dezember 2013, um 14:29

Meiner a... ;-)

LXR, 24. Dezember 2013, um 14:34

mei Bua hod sech de für heit Obend ausgsuachd...
Geistiger Diebstahl, Hundskrüppel, greisliger

Birschdnbinder, 24. Dezember 2013, um 14:38

Jawoll, endlich mal n bisschen Hass hier!

TOAO, 24. Dezember 2013, um 14:40

@LXR: dann zoag´s ehm net !

LXR, 24. Dezember 2013, um 14:52

a jeds Kind sollt a eigne Geschichtn schreibn

moi schaun, wos mei Bua da sogd^^

TOAO, 24. Dezember 2013, um 14:56

Hätt i natürlich gwusst, das die Bua des heit auf da pfanna hot, hätt i des net gschriem...

LXR, 24. Dezember 2013, um 16:53

solangs nix dafür verlangsch

TOAO, 25. Dezember 2013, um 13:55

net an weihnachten... ;-)

jozi, 25. Dezember 2013, um 13:58

rechnung kommt erst am 27. oder 28 ;))

TOAO, 25. Dezember 2013, um 13:59

psch..

zur Übersichtzum Anfang der Seite